لليحبون الشعر الشعبي هاي مجموعة من الابوذيات

خشن قلبك ويانه أرجوك نعمه
وقسم لو مانراك اليوم نعمه
الموده والعشق يافلان نعمه
داريه وأعتن بيه تدوم هيه
......................................
عرفت ياأسمر ملاعيبك وفنك
وأضن كلماتي في حقك وفنك
أحذرك تغدر بحبي وفنك
تلعب والخداع أكبر أذيه
........................................
صدمتي بيك محد منصدمها
وعلت بلدم دمعتي منصدمها
سلت روحي وتونيت منصدمها
ولك ماخنتك عليش تخوني
........................................
ياضالم لاتهيج الروح خلها
عساها تموت بعد فراك خلها
لزم أيدي الطبيب وكتله خلها
المرض بچلاي چا شلك بديه

........................................
وحگ الله وكتاب الله ورسله
قلبي من الوفه أصله وأرسله
لو أن بيدي لگُص قلبي وأرسله
لحبيبي الگاطع بوصله عليه

.........................................
ضنوني خلفلي جنون في الراس
وتـخيلتك وحــش غــدار فــراس
أنا الچنت على الفرسان فراس
صرت سايس عُگب ماصار بيه

.........................................
أتاني ليا وكت شصبر شتاني
بشرني بخبر هجره شتاني
انا مر الصيف وعداني شتاني
و ولامرة الترف مر عليه
.........................................

تمنيت الولف لكن من تمني
وبعد مابقه لگلبي من تمني
عليش الزعل ياخايب من تمني
وك أزعل الروح اذا تزعل عليه
..........................................

أخصن روحي مرة من رخصتك
غالي وابد لاتضن من رخصتك
دست فوگي دگلي من رخصتك
حته براحتك تسحك عليه

...........................................
زماني مرمر أحوالي وشلها
ودمعي الدار من عيني وشلها
الدنيا شو تحاربني وشلها
خذت مني العزيز وكصت بيه

............................................

حبك يا حبيبي بالقلب عتباي
وانا كل يوم اذكرك عتباي
وانت دوم بطرف الكلم عتباي
وانته جنتي وشمي المضيه

شكرا على الاشعار الحلوه ونتظر المزيد تحياااااااااااااااااااااااااتي صقر الرافدين

عاشت الايادي كللج ذوق تحياتي لاعضاءمنتدى الروعه امووووووووووووووووووووشة

مشكورة شي حلو